GENERAL SANTOS CITY- Gitugyan na sa Sarangani Police Provincial Office ang vice commander sa Guerilla Front 73 sa New People’s Army o NPA human nadakpan sa operasyon kaabag ang Armed Forces of the Philippines ug uban pang law enforcement operations niaging semana.
Unang giila ang suspek sa pangalang Jonie Calaba, alyas Jepoy, 25 anyos ug residente sa Sitio Tinipikan, Barangay Santa Clara, Kalamansig, Sultan Kudarat.
Si Calaba iladong vice leader sa Platoon Cherry Mobile sa GF 73 nga nag-operate sa area sa Barangay San Jose ning siyudad sa Gensan ug mga munisipyo sa Banga, Tupi, Polomolok, Lake Sebu ug Tboli sa probinsya sa South Cotabato ug Kiamba, Sarangani Province.
Sa bias sa warrant of arrest naaresto si Calaba sa kasong arson kung asa walay pyansa nga girekomenda ang korte nga nag-isyu sa arrest warrant.
Base sa impormasyon sa kapolisan, grupo matod pa ni Calaba ang responsable sa pagpangsunog sa mga heavy equipment gipanag-iyahan sa Silvicultural Industries Inc. niadtong March 7, 2015 sa Barangay Hinalaan, Kalamansig, Sultan Kudarat nimugna og damyos ngadto sa 35 milyon pesos.
For more info’s and updates, like and share our official facebook account : www.facebook.com/ifm91.9Gensanofficial/
[image: CTTO PHOTO NOT OWNED.jpg]
