TUTOK PULITIKA – Dayon na ang pagpapili ni Silay City Vice-Mayor Joedith Gallego bilang Alkalde.
Ini apisar nga ka-grupo manlang sila ni Mayor Mark Golez sa Love Negros.
Sa interview ni RadyoMan Jemlo Victosa, may mga bagay lang nga wala nanamian si Gallego sa tagdumalahan ni Mayor Golez rasun nga indi na ini mag-isol pa.
Suno naman kay Cong. Albee Benetiz, ginarespito niya ang desisyon ni Gallego apang naghatag na ini sang suporta sa incumbent Mayor nga si Golez.
Suno sa impormasyon nga nakuha sang dyHB, pila sa mga naindian ni Gallego amu naman ang pagpasilabot sang mga himata ni Mayor Golez sa syudad.
Suno naman kay Mayor Mark Golez, wala siya sang may mahimo kon magkontra sa iya ang iya manlang bise-alkalde sang 2016 elections kag ginarespito niya ini bilang kabahin sang demokrasya.
Nagalaum siya nga mahitso pa ini apang kon indi handa naman siya nga atubangon si Gallego sa 2019 upod kay former Mayor Oti Montelibano ukon sin-o man nga mabunggo sa iya.
