Manila, Philippines -Binulabog ng bomb threat ang Victoria Towers sa Timog Avenue, Quezon City mag-aalas onse kaninang umaga.
Ayon kay Supt. Peter Sanchez ng Quezon City Police District, nakatanggap sila ng report ukol sa banta at umano’y kahina-hinalang aktibidad sa second floor ng gusali.
Pero nang inspeksyunin, negatibo sa bomba ang lugar.
Alas 11:30 kanina nang ideklarang ligtas ang gusali at pinayagang makabalik ang mga tao sa loob.
Facebook Comments
