Davao City – Gikumpirma ni Davao City Mayor Sara Duterte-Carpio nga nagpositibo sa Coronavirus Disease 2019 (COVID-19) si Davao City Vice Mayor Sebastian Baste Duterte.
Kini ang gibutyag sa alkalde pinaagi sa iyahang official Facebook page kagahapon sa hapon (Hulyo 21, 2021).
Ilang nasayran nga nagpositibo sa COVID-19 si Baste rason nga nag-video call ang pamilya diin anaa sa virtual meeting si Mayor Inday, Baste, si Paolo (Pulong) ug ilang ginikanan nga sila Presidente Rodrigo Duterte ug Elizabeth Zimmerman.
‘Sa ngayon, via video call muna ang family kumustahan nang malaman naming positive sa Covid-19 si Vice Mayor Baste. Get well soon Vice! Smile😊’ caption sa post sa alkalde.
Sa pagkakaron, naka-isolate na si Baste ug anaa kini sa maayong kondisyon.
Mensahe ni Mayor Sara sa igsoon ang paspas nga recovery niini gikan sa COVID-19 diin kini usab ang mensahe sa Davaoeños ug sa netizens sa bise-alkalde human sa pagpagawas sa maong anunsyo.
RadyoMaN Kirby Manzon
