Gisiguro sa buhatan sa Bise Mayor sa dakbayan sa Malaybalay nga iyang suportahan ang unsa may agenda ug palisiya nga hingusgan sa bag-ong administrasyon ni Mayor Florencio Doc Boy Flores.
Sa interview sa RMN Malaybalay ngadto kang Vice Mayor Jay Warren Pabillaran gibutyag niini nga naka-andam siyang suportahan ilabina kung makapabenepisyo niini ang kinabag-ang ihap sa katawhan sa siyudad.
Sigun sa bise mayor nga iyang usab nga siguruhong mapadayon ang mga maayong programang gisugdan sa nakalabay nga administrasyon ni kanhi Mayor Iñaki Zubiri.
Matud ni Atty. Pabillaran nga makalaom ang bag-ong administrasyong Flores sa iyang suporta kung kini angayan.
Pasabot niini nga taliwala nga adunay iya-iyang katungdanan ang matag posisyon apan mas maayon matud pang nagkahiusa ang tanan alang sa kaayuhan sa katawhan sa dakbayan sa Malaybalay.
