MOISES PADILLA, NEGROS OCCIDENTAL – Isa pa lang ka kaso ang una nga gin-inquest batuk kay Vice-Mayor Ella Garcia-Yulo kag sa iya bana nga si Felix Mattias Feria Yulo III.
Ini ang may kaangtanan sa natabo nga pagdakup sa isa ka check point sa amo nga vice mayor kag sa iya bana, sadtong Martes, December 19 pasado las 6 sang gab-i sa Crossing Magallon kon diin ini sila ang nakuhaan sang mga armas.
Nahibaluan nga ang kaso pa gid lamang nga violation sang Republic Act 9516 ukon Illegal Possession of Explosives ang ginpasaka batuk sa mag-asawa bangud may mga dugang pa nga ebidensya nga ginakinahanglan agud mapa saka ang iban pa nga kaso.
Suno kay Moises Padilla PNP Chief, Police C/Insp. Allan Reloj nga una nila ginfile ang kaso nga illegal possession of explosives bangud man sang duha ka granada nga na recover halin sa sulod sang salakyan ni Vice Mayor Garcia – Yulo.
Samtang, wala naman nahingagaw file ang kaso nga violation sang Republic Act 10591 ukon Illegal Possesion of Firearms kag RA 9165 ukon Illegal drugs bangud man sang mga dokumento nga wala nahingagaw kaangay sang Crime Laboratory result.
Isa sa importante nga documents amo ang sang examination result nga dapat i-attach sa ebidensya agud ma file ang kaso.
