Davao City – Gibakliran og kamot ang usa ka waitress human kini naningil sa usa nila ka customer nga buot mosibat ug dili mobayad sa gi order niining pagkaon ug ilimnon.
Biktima naila nga si Joan Solomon Espenosa, 43 anyos, residente sa may Km. 5 Matina Pangi ning syudad samtang ang customer mao si Alpios Badamong Panay, 24 anyos nga taga Km. 8 Matina Pangi.
Base sa report ang mi order si Panay og pagkaon ug ilimnon badang alas 12 na sa tungang gabii sa dihang misulay kini sa pagsibat nabantayan kini ug daling gipugngan apan gilikos ang kamot ni Joan ug gilapangga ang panagway niini hinungdan sa pagka sunggo.
Hinuon dali nga na korner ang suspek sa mga concerned citizen nga anaa sa lugar ug gi priso sa Talomo PNP samtang gidala na sa SPMC ang biktima.
RadyoMaN Paul Canono
