BACOLOD CITY – Ginpablotter sang taga-beerhouse ang isa nila ka customer bangud matapos nag-order sang ilimnon, naglayas lang nga wala nakabayad.
Nagpadulong sa Police Station 1 ang tagreklamo nga si Andrea Gonzales, 20 anyos ang edad, pumuluyo sang Brgy. 35, Bacolod City agud ipa-blotter ang isa nila ka customer nga nakilala lamang kay Alyas Bagtoy.
Suno kay Gonzales nga nagsulod sa ila beerhouse ang suspek kagab-i kag naglawig ini tubtub las 2:30 kaina sang kaagahon.
Wala punaw kag nagpina-gusto ka nag-order sang beer ang suspek tubtub nga nagdangat sa kapin P1,860 pesos ang iya bill.
Sang ginsukot na, ini siya ang naglisensya nga magapauli agud magkuha sang kwarta nga inugbayad sa iya gin-inom.
Apang suno kay Andrea, naglab-ot na sang inoras ang iya ginhulat, wala gid sang Alyas Bagtoy nga nag-abot agud magbayad gani napilitan ini nga magpa blotter sa pulis./Not the actual photo
