BACOLOD CITY – Isa ka hubog nga lalaki ang nagtuyo nga maghikog pinaagi sa pagbuno sang iya kaugalingon kagab-i sa Brgy. 15, Bacolod City.
Ang biktima isa ka 44-anyos nga soltero kag pumuluyo sang Brgy. 15 ciudad sang Bacolod.
Suno sa record, may mg alas 7 kagab-i natabo ang insidente sa balay mismo sang biktima kon diin ini siya ang nagtuyo nga maghikog pinaagi sa pagbuno sang iya kaugalingon gamit ang gunting.
Ginpahayag nga nag-angkon sang kapin 6 ka pilas sa iya dughan ang bigtima tuga sang pagbuno-buno niya sa iya kaugalingon.
Pahayag sang biktima nga wala siya nakahibalo kon ngaa iya ginbuno ang iya kaugalingon bangud man nga ini siya ang tuman ka hubog.
Sa karon ang biktima padayon nga ginabulong sa Corazon Locsin Montelibano Memorial Regional Hospital./dyHB BACOLOD
