BACOLOD CITY – Nagpa-blotter ang isa ka call center agent nga ini siya ang ginsumbag sang tag-iya sang isa ka kalan-an matapos nga ini siya ang ginsukot sang iya utang pasado las 9 kagab-i sa Brgy. 38 diri sa ciudad sang Bacolod.
Si Gian Carlo Jimena, 28 anyos ang edad pumuluyo sang Brgy. Taculing ang nagpadulong sa Police Station 1 agud ipa blotter nga ini siya ang ginsumbag ni Samuel Austria, 30, pumuluyo sang Brgy. 38.
Suno kay Jimena, ini siya ang ginpalapitan ni Austria kag ginsukot sang iya utang sa pagkaon, apang may nagluntad nga paglinalisay sa tunga nila na duha.
Sa iya bahin, nagpa blotter man si Austria kag nagreport nga sang iya ginsukot si Jimena, naakig pa ini tubtub nga nagbayluhanay na sila sang mga malain nga tinaga.
Ginsiling ni Austria nga diri na kag iya na-tapi ang kamot ni Jimena sang ini siya ang gin-uyatan sa abaga.
Nahibaluan nga si Austria ang tag-iya sang isa ka gamay nga kalan-an kag diri naga-utang si Jimena.
