*Gipulihan isip hepe sa Macasandig Police Station si Senior Insp. Julius Saluta tungod sa duha niini ka sakop nga wala magtarong sa ilang gihimong police visibility sa Barangay Macasandig ning syudad. *
*Matud pa nga naaktohan ni Police Regional Office 10 Director Chief Supt. Timoteo Pacleb, silang SPO4 Baltazar Daguilmo ug PO3 Rey Bustamante nga wala misunod sa insaktong pagpatuman sa police patrolling sulod sa ilang area of responsibility.*
*Kini human nakit-an mismo sa maong director nga naghigda-higda sa mobile ang usa ka polis samtang ang usa ang nagtindog-tindog. *
*Apan ang mas gikakurat ni director Pacleb nga wala siya maila sa maong mga polis nga gika-insulto niini. *
*Tungod niini, gipatawag sa maong opisyal si Cagayan de Oro City Police Office kon COCPO Director Senior Supt. Roy Bahian, kinsa mitawag usab kang Senior Insp. Saluta.*
*Matud ni COCPO Spokesperson Chief Insp. Mardy Hortillosa, nga wala nagustohan ni Diretor Pacleb ang gipakitang taras sa duha ka polis.*
*By: RadyoMaN Ellah Baculio *
