General Santos City—Samdan ang usa ka 19 anyos nga giilang si John Benjie Baran, nga taga Labos, Barangay Fatima, Gensan human kining gidunggab sa 15 anyos nga minor de edad human nga wala niya kini gipahulam ug kwarta alas 9:15 ang takna sa gabie didto sa Barangay Fatima, Gensan.
Subay sa report nga nahagpat sa RMN News Team sa Dr. Jorge Royeca Hospital, igo rang nag internet ang biktima sa usa ka internet café sa maong lugar. siya giduol matud pa sa suspek nga si Alias John Jay, 15 anyos aron manghulam ug kwarta.
Tungod wala nay laing kwarta mibalibad ang biktima apan kalit kining gidunggab sa suspek igo sa iyang kili-kili. Gilayong gidala sa ospital ang biktima, samtang ang suspek malampusong nadakpan sa kapulisan.
Sa karon nagpadayon ang gihimong imbistigasyon sa kapulisan kalabutan sa maong insidenti.
