VICTORIAS CITY – Ginadihon naman sa karon ang pagpaiway sa Barangay Election base sa ginaduso nga kasuguan ni Congressman Reynaldo Umali sang 2nd District sang Mindoro paagi sa housebill 7167.
Suno kay Umali nga dako ang iya paglaum nga mahingagaw ini pasar sa Kongreso antis mag-abot ang May 2018 nga Sanggunian Kabataan kag Barangay elections.
Sa exclusive interview sang dyHB-RMN Bacolod, ginpahayag ni Congressman Umali nga kapin P8 bilyones pesos ang ginagasto sa tagsa ka election kag kun ipaiway ang Barangay election sa bulan sang Mayo, maka menus naman ang gobyern sa gasto, kapin pa kun idungan na lamang ini sa regular nga election sa May 2019 subong man sa plebisito sang federalism.
Si Umali ang nagpadulong dire sa syudad sang Victorias upod kay Congressman Albee Benitez agud ikampanya ang iya tuyo nga ipaiway ang barangay election.
Upod man sa iya pagpadulong diri amu ang pagpaathag tuhoy sa kaayuhan nga madulot sang federal form of government subong man nagtambong ini sa kaadlawan ni Mayor Francis Frederick Palanca sang Victorias City./Grace Supe photo
