General Santos City— Gihingusgan ni Senator Manny Pacquiao nga basi sa
iyahang mga ebidensyang gihuptan aduna gyu’y depekto ang mga dokumentong
may kalabutan sa mga peke nga mga titulo.
Gani nauna na matud pa siyang nananghid sa korte suprema nga iyahang
patambungon si Judge Panambulan Mebiesa sa senate inquiry karong umaabot
nga Marso 22 ug 23 gumikan daghan siyang mga pangutana.
Pagpaklaro sa senador nga wala niya ginahukman Si Judge Membiesa nga apil
sa 8.7 billion pesos scam apan iyaha matud pang gikinahanglan ang tubag
niini aron maklaruhan.
Dugang pamahayag ni Senator Pacquiao nga basi sa pamahayag sa whistle
blower nga si Catapang, ang pamilyang Mamburam ang lambigit sa usa ka
dakong sindikato nga responsible sa paghimo sa mga peke nga mga titulo.
Kung asa miyembro matud pa niini si Catapang apan posibleng wala
magkasinabtanay sa ilahang bahin rason nga kini migawas ug nagtug-an sa
dakong kurapsyon sa maong proyekto.
Paniguro niini nga manubag gyud ang kinsa mang responsable sa maong
sindikato aron nga dili na pamarisan pa.
