Ginapa-usisa sang Sangguniang Panlungsod (SP) sang syudad sang Bacolod ang wala untat nga pagkay-o sang dalan Circumferential partikular na ang sa atubang sang Government Center.
Sa resolusyon nga ginpasar kahapon sang SP, ginapaathag sini kay Department of Public Works and Highways District Engineer Jaime Javellana ang “repeated” construction works sa nasambit nga dalan.
Suno kay Councilor Wilson Gamboa Jr., author sang resolusyon, nagatuga ang repairs sang traffic congestion kag ginakompromiso ang safety sang mga motorista.
Sa pihak nga bahin, nagpasar man sang resolusyon ang SP nga nagahingyo sa City Disaster Risk Reduction and Management Office sang update sa status kag kondisyon sang close circuit television system sang syudad.
[image: image.png]
