Iligan City- Walay na-identify o gideklara na electionhot spots sa Iligan City, matud pa ni Police SeniorSuperintendent Leony Roy Ga, director sa Iligan City Police Office.
Apan gi- monitor nila, matud pa, ang presensiya sa New People’s Army, ilabina sa Barangay Rogongon, usa ka hinterland nga barangay sa may boundary o daluna sa probinsiya sa Bukidnon.
Matud pa ni Ga, lakip usab sa ilang bantayan ug i-monitor ang ‘vote buying’ ug ‘illegal campaigning’ sa mga kandidato sa umaabot nga Barangay ug Sangguniang Kabataan elections.
Apan bisan paman, matud pa, nga gi -monitor nila ang presensiya sa NPA, wala silay nadawat nga report kabahin sa pagpangayo og ‘revolutionary tax’ o ‘campaign tax’ o kaha pagpangilkil sa mga rebelde.
Adunay 1,171 ang naka-file sa ilang certificate of candidacy sa dakbayan alang sa posisyon sa barangaychairman ug kagawad samtang 666 alang sa SK positions.
Ang Iligan City adunay 44 ka barangay nga adunay 171,712 registered voters alang sa barangay elections samtang 55,833 ang SK voters o ang mga nagpangidaron og 15 hangtud 30 anyos.
