Davao City – Hapsay ug malampuson nga nahuman ang Walk for Justice alang kang Kanhi Presidente Rodrigo Duterte gikan sa Magsaysay Park padulong sa Rizal Park, Davao City, alas-3 sa hapon, Marso 11, 2026.
Human sa pagbaklay, ang mga supporters sa kanhi Presidente naglunsad og programa sa Rizal Park nga gipanguluhan ni Randy Usman gikan sa DDS SARA ALL Movement, Konsehal Danilo Dayanghirang, ug Doc Richard Mata.
Nagkahiusa ang mga supporters nga ipanawagan ang pagbalik sa kanhi Presidente sa nasud tungod kay inosente kini sa mga pasangil ug mapasalamaton usab sila sa pagdumala niini sa nasud.
Gitapos ang aktibidad pinaagi sa candle lighting nga nagsimbolo, matod pa nila, sa kahayag ug paglaom nga makabalik kini sa dakbayan.
RadyoMaN Bien Abanos
Facebook Comments
