Kini human sa gipahigayong monitoring sa buhatan sa mga establisyemento kung nakalapas ba kini sa gipatumang Price Freeze Order sa mga lugar nga gipailawom sa state of Calamity human ang pag-igo sa bagyong Odette sa miaging tuig.
Ang walo ka mga establisyemento gitagaag higayon sa DTI-Bukidnon sa pagpangatarungan nganung misaka ang mga presyo sa ilang mga basic necessities nga mga produkto ilawom sa freeze order.
Kung ugaling mapamatud-an sa buhatan nga dili igo ang katarungan sa pagpasaka sa presyo, paga-issuehan kining mga establisyemento og Notice of Violation.
Ilawom sa Section 6 sa RA 7581, nga gi-ammend sa RA 10623, ang mga presyo sa basic necessities sa mga areas nga napailawom sa state of emergency ug calamity magpabilin sa kasamtangang presyo.
Mamahimong magbayad isip penalty og dili muminus sa P5000 ug dili mulapas sa P1M ug pagkapriso sa dili muminus usa ka tuig ug dili mulapas sa 10 ka tuig ang mapamatud-ang nakalapas sa maong kamanduan.
