Nagsurender ang walo ka mga miyembro sang Communist Terrorist Group (CTGs) dala ang 14 ka mga nagkalain-lain nga war materials sa 7th Infantry (Tapat) Battalion sa Barangay Masiag Bagumbayan, Sultan Kudarat.
Ginpresentar naman ang mga surrenderees kay First Lieutenant Jemarel A. Mokasim, Commanding Officer sang Charlie Company, 7IB kag Police Major Felix A Fornan, Chief of Police sang Bagumbayan, Sultan Kudarat paagi sa pagtinguha sang Community Support Program-Red Area Operators.
Ginpahayag ni alyas Dandan sang Platoon My Phone sang East Daguma Front South Regional Command – Daguma, Far South Mindanao Region nga wala sang nabulig sa iya ang komunista nga NPA kag nabayaan pa ang pamilya sa wala pulos suno pa nga rason.
May-angot sini, nagpasalamat naman si Lieutenant Colonel Romel S Valencia, Battalion Commander sang 7IB sa mga surrenderees sa pagbiya sa grupo sang CTGs kag pagsurender man sang ila nga armas luthang.
Nakabaton naman ang mga former rebels sang inisyal nga assistance halin kay Bagumbayan Mayor Jonallete de Pedro kag gin-indorso ang mga ini sa local government unit sang Bagumbayan kag Sultan Kudarat province paagi sa ELCAC Focal Person para makabenepisyo sang E-CLIP program.
Ginpasiguro naman sang pamunuan sang 7IB sa bulig sang mga nagkalain-lain nga ahensya sang gobyerno nga himuon ang mandato agud tapuson ang problema sa insurhensya sa lokalidad nga maangkon ang katawhayan kag pag-umwad sang lugar.
