Gidala sa Northern Mindanao Medical Center ug Polymedic Hospital ang walo ka mga pasahero sa motorela tungod sa traffic accident nga nahitabo sa Concordio diel street Carmen ning syudad mga alas 9:55 kagabi-e.
Matud ni Police Master Sergeant Natalio Flores Mata III, traffic Investigator sa Carmen Police station nga ang walo ka mga biktima mao silang Romy Penis, Toledo ang driver sa Motorela, ug iyang mga pasahero nga sila si Mario Kionesal Go, 71 anyos, Cordilla Tabla go, 75 anyos, Karl James Abrio, 21 anyos, Albert Bagayna, 48 anyos, Elisa Lagbas, 42 anyos, Erna Paquita Amedina, 40 anyos, Efipanio Simaco Jandayan Jr. 37 anyos ug May-ann Lee, 26 anyos.
Ang mga biktima taga Sitio Calaanan, Barangay Canitoan ning syudad.
Matud ni Mata nga ang mga biktima ang gi-obserbahan sa ospital human naka-angkon sa mga bun-og sa ilang kalawasan sa dihang natumba sa dalan ang motorela nga ilang gisakyan tungod sa maong traffic Accident.
Ang driver sa E2M Taxi, nga na-ila sa ngalang si Lolito Taganas Estoque, 59 anyos nga taga Barangay 38 ang na-detain sa Carmen Police station ug nagpa-abot nga pasaka-an sa kasong reckless Imprudence resulting to multiple Physical Injury.
