Nasapon ni Police Senior Supt. Nelson Aganon ang Cagayan de Oro City Police Office kon COCPO Director ang walo ka pulis sa Cogon Police Station nga nangatulog.
Tungod niini, hayan mapalagpot ang walo ka mga pulis sa ilang mga pwesto kinsa nasapon ni Director Aganon nga natulog dihang mihimo kini sa surprise inspection sa maong buhatan.
Mahinumdoman, nga gipahibalo nang daan ni Aganon nga sa iyang paglingkod, mibahad kining himuong zero tolerance ang kapulisan ug iyang disiplinahon aron nga mamahimong produktibo.
Tungod niini, girekomenda sa maong opisyal nga irelib sa ilang pwesto ang maong mga pulis isip warning kung dili sila buot nga pagawason sa police station.
Posibleng ilabay sa laing Rehiyon ang maong mga pulis tungod kay kung ibalhin lamang kini og estasyon daw sama sa gibalhin lamang usab ang maong problema.
Tungod niini, gikatakdang pa-imbestigahan ang walo ka mga sakop sa kapulisan kinsa posibleng mag-atubang sa kasong administratibo.
Hinuon, swerte nga nahatagan pa og ikaduhang higayon si Police Chief Insp. Harvey Abellanosa, ang hepe sa Cogon Police Station commander kinsa gipahimangnoan ni Director Aganon nga oras nga masubli ang maong insidente, lakip na kining i-relieve sa pwesto.
By: RadyoMaN Ellah Baculio
