General Santos City–Luwas na sa kuyaw nga kahimtang ang walo ka miyembro sa pamilyang Malesido nga taga Glan, Sarangani Province kansa gikaingong biktima sa Food Poisoning niadtong nakalabayng adlaw human silang nitambong sa lubong sa ilang kalabay.
Gikumperma ni Wiliam Malesido, usa sa mga biktima nga sa walo nga ihap, upat ra ang nadala sa ospital nga mao silang si Rosita Malesido, Mersidita Malisedo, Jenny Malesido ug Jie-Jie Malesido kansa maoy nakasinati ug grabeng sakit sa tyan, pagsuka-suka ug pagkalipong.
Usa sa mga gituohan niini nga hinungdan sa ilang pagkahilo mao ang pagkaon nga ilang gikaon ayha pa ang lubong sa ilang kabanay. Dugang pagbutyag ni Malesido nga usa ka oras human nila ug kaon sa sud-an nga karneng baboy ug karneng baka nakasinati na dayon sila ug pagpanakit sa tyan ug pagsuka-suka.
Gilayon nilang gidala sa ospital ang upat nila ka kabanay nga nagrabihan aron nga maatiman. Wala silay laing gidudahan tungod wala man silay laing gikaon nga pagkaon niadtong higayuna.
Gisulti pa ni Wiliam Malesido nga adunay mga pagduda ang uban nilang mga kabanay nga basin sila gihiluan sa lugar tungod dayo ra sila sa ilang giadtuan nga barangay.
Kini gumikan sagad sa mga gisakitan ug tyan miyembro sa ilang pamilya ug usa sa usab sila ka lamesa dihang sila nangaon. Dili usab kini makumperma ni Malesido hilabi na nga wala silay kongretong ebidensya.
