General Santos City–Pakyas ang Maitum Municipal Police Station nga masikop ang wanted sa ilahang area of responsibility atol sa gipahigayon nga operasyon sa diagan hospital niadtong milabay nga gabie batok sa usa ka Jeremiya Gabion, legal age, residenti sa Maitum Sarangani Province.
Sumala pa ni Pci Rodel Javison ang hepe sa Maitum Mps nga armado sila ug warrant of arrest sa kaso nga attempted rape nga giatubang sa suspek ilang giadtuan ang maong ospital human nga nasayran nga nagbantay kini sa iyang pasyente.
Atol pag serve nila sa warrant nakabantay matud pa ang suspect ug miambak sa bintana padulong sa first floor sa maong hospital dayon midagan palayo gikan sa lugar. Nagpahigayon pa sila ug hot pursuit operation apan pajkyas silang maabtan ang suspek.
Dugang pa ni Pci Javison nga gipugngan usab sila sa mga kabanay sa suspect nga dakpon ang nahisgutan pinaagi usab sa paggunit sa kamot sa arresting officer aron nga makadagan ang suspect.
Ginatun-an naman usab sa kapulisan karon kung pasakaan ba nila ug kaso ang mga kabanay sa suspect nga mipugong sa mga pulis. (Dave Silagan)
