Detinado karon sa Talisayan Municipal Police Station ang giilang number one most wanted person sa Talisayan Misamis Oriental.
Ang suspek mao ang 53 anyos nga si Arsenio Kee Sr. nga taga Purok 6, Barangay Magkarila, Talisayan, Misamis Oriental
Nasikop si Kee tungod sa kasong sexual abuse niadtong Sabado sa gabii sa Purok 2, Barangay Sibantang, Talisayan pinasikad sa warrant of arrest.
Nasayran nga ang maong warrant gi-isyu ni Hon. Judy Sia-Galvez ang Presiding Judge sa Regional trial Court Branch 22 sa Medina, Misamis Oriental.
Makagawas lamang si Kee kung makapiyansa kini sa 200-thousand pesos.
PC: Pcrb
Facebook Comments
