Detinado karon sa Gingoog City Police Station ang 27 anyos nga wanted person nga si Rico Tutor Almonte alyas Mawit, human kini nasikop sa kapolisan sa ilang gihimong manhunt operation.
Nasikop ang suspek niadtong Lunes sa buntag sa Purok 5, Brgy. Lunao, Gingoog City, Misamis Oriental, pinasikad sa warrant of arrest nga giisyu ni Hon. Ana Candida Casinio, ang Presiding Judge sa MCTC sa Gingoog City.
Nasayran nga kasong Attempted Homicide ang giatubang sa suspek kinsa makagawas lamang alang sa iyang temporaryong kagawasan kung makapyansa kini sa kantidad nga dose mil pesos.
Facebook Comments
