Malampuson nga nadakpan sa Criminal Investigation and Detection Group kon CIDG Cagayan de Oro ang usa ka wanted person.
Matud ni Police Master Sergeant Noel Oclarit sa CIDG nga naila ang suspek nga si Robert Cenas, 45, taga Barangay Divisoria, Zamboanga City.
Dugang pa ni Oclarit nga nadakpan si Cenas ala una sa hapon kagahapong adlawa, sa RTMI compound Barangay Bulua ning dakbayan, pinaagi sa warrant of arrest.
Nasayran nga si Cenas ang adunay kaso nga pagsupak sa section 5(i) sa Republic Act 9262 kon naila nga Domestic Violence.
Ang warrant of arrest ang giisyu ni Honorable Judge Arthur Bundiente sa Branch 44 sa 10th Judicial region sa Regional Trial Court Initao Misamis Oriental.
Nasayran usab nga ang complainant sa maong kaso mao ang common law wife o ang kapuyo sa suspek.
