Wala maka-ipsot sa man hunt operation sa kapolisan sa lungsod sa Opol, Misamis Oriental, ang usa ka babaying nag-atobang sa kasong Criminal sa husgado.
Si Senior Inspector Dennis Rowell Flores, hepe sa Opol Police station, mipa-ila sa maong wanted person nga si Fritzie Cueva Endrina, 25 years old nga nagpoyo sa Youngville Subdivision, Igpit Opol Misamis Oriental.
Matud ni Flores, nga si Endrina, ilang gidakop ang suspek pina-agi sa warrant of arrest nga gi-issue ni Judge Evelyn Neri sa Regional Trial court Branch 19, dinhi sa Cagayan de Oro, tungod sa iyang kasong child Abuse, niadtong 2016.
Ang maong akosado, unang gidala sa Opol Police station, ug gitun-over kini sa SALA ni Judge Neri sa bag-ong hall of Justice sa upper Carmen ning syudad sa Cagayan de Oro.
Hino-on ang maong akosado, gitogotan ni Judge Neri nga mag-piyansa sa 80 mil pesos, alang sa iyang temporaryong kagawasan.
