Detinado karon sa Magsaysay Municipal Police Station ang usa ka wanted person, human sa gihimong manhunt operation sa kapolisan sa Purok Paghiusa, Brgy. Kibungsod, Magsaysay, Misamis Oriental.
Naila ang suspek nga si Alemar Pajaron, 24 anyos, nga taga-Purok-5, Brgy. Artadi sa maong lungsod kinsa adunay kasong Republic Act 9262 kon The Anti-Violence Against Women and their Children Act of 2004.
Ang pagkasikop sa suspek pinasikad sa warrant of arrest nga giisyu ni Hon. Judge Isobel Barroso, sa Branch 8 RTC-10 sa Malaybalay City.
Gikabutyag, nga makagawas lamang ang suspek alang sa iyang temporaryong kagawasan kung makapyansa kini og 60 mil pesos.
By: RadyoMaN Ellah Baculio
Facebook Comments
