Un pulis designao na Ayala Police Station ya sale arestao enantes aga tiene que hace na caso de que se llama “accessory of crime” na malversation of public property.
Con el pulis ya conose como si PO1 Kim Ahil Anni.
Con Anni ya servi el mandamiento de aresto el maga pulis del Sta. Maria Police Station na liderato di Chief Insp. Arlan Delumpines banda alas 9:15 del aga.
Si Anni tiene el pendiente caso de (accessory of crime) malversation of public property ta penalize bajo na articulo 217 del Revisao Codico Penal.
Con Anni ya aresta na Toribio Drive, Pasonanca.
Pero asegun con Delumpines del año 2009, el amigo di Anni quien un miembro del Philippine Air Force aquel tiempo ya bende conele bala de M16 rifle.
Despues del incidente, el supply officer del Air Force ya hace reclamo na estacion del pulis donde estos ya tene confrontatcion.
Hasta ya guinda el caso na corte donde ya paga ya fiansa si Anni para el disuyu temporaryo libertad.
Person asegun nohay mas abuya na hearing si Anni na corte poreso ya hace sale otravez el disuyu warrant of arrest.
