Midsalip, Zamboanga del Sur – Naghapyodhapyod na karon sa midyo bugnaw nga rehas ang usa ka pinangita sa balaod human kini nadakpan sa kapulisan sa Midsalip Municipal Police Station kauban ang RMFB9.
Diin, ngapahigayon og joint law enforcement batok sa usa ka wanted nga lalaki sa Purok 2, Brgy. Canipay Sur, Midsalip Zamboanga Del Sur ala una 1:20 sa hapon December 3, 2020. Giila ni PMAJ Edgar . Hinoctan, ang Midsalip Police Chief ang dinakpan nga si Nelson Tulay Lumawas, 30 anyos lalake residente sa Purok 3, Brgy. Macasing, Dumingag, Zamboanga Del Sur.
Naaresto siya pinaagi sa gahom sa warrant of arrest sa kasong Homicide, nga gidukitan ilalom sa Criminal Case Nr. 20-10, 1806, giissue ni Presiding Judge, sa RTC, 9th Judicial Region, Branch 30, Aurora, Zamboanga Del Sur pinitsahan atong November 26, 2020 nga diin dunay pyansa nga girekomendar nga mukabat ngadto sa Php80,000.00 bugti sa iyang temporaryo nga kagawasan.
Sa pagkakaron ang maong dinakpan ang nakakostodya na sa Midsalip Municipal Police Station alang sa tukmang disposasyon.
