Mukabat sa P200,000.00 ang piyansang girekomenda alang sa temporaryong kagawasan sa usa ka lalaking naaresto sa kasong Frustrated Murder human gilusad ang operasyon pasado alas 12:30 sa udto adtong Sabado didto sa Sitio San Vicente, Barangay Kaatuan, Lantapan, Bukidnon.
Giila ang suspek nga si Ernesto Pinohon Dalomino, 32 anyos, ulitawo, laborer, Top 2 Most Wanted Person sa Lantapan, Bukidnon sa kasong Frustrated Murder, ug residente sa Purok-5, Barangay Kapitan Juan, Lantapan, Bukidnon.
Gi-issuehan sa warrant of arrest ang suspek nga gipakanaog sa korte alang sa kasong Frustrated Murder.
Ang suspetsado karon ang gikustodiya na sa Lantapan Municipal Police Station alang sa tokmang disposasyon.
Facebook Comments
