Nakadawat og livelihood kits gikan sa Department of Labor and Employment (DOLE)-Region X ang mga kanhi miyembro sa New People’s Army (NPA) nga mitahan sa mga kasundaluan sa Bukidnon.
Mukabat sa kinatibuk-ang P360,000.00 nga kantidad sa livelihood kits ang natunol pinaagi sa programang “Hinanaling Tabang” diin kantidad P30 mil ka pesos nga starter kit sa rice trading ang gitunol ngadto sa 12 ka mga kanhi miyembro sa NPA.
Nanghinaut si Raul Valmores, DOLE X-Bukidnon Provincial Director, nga makatabang ang maong mga ayuda ngadto sa mga kanhi rebelde isip pagsugod sa ilang mga negosyo ug pagbalik sa malinawong pamuyo.
Mapasalamaton usab ang mga kanhi rebelde ngadto sa buhatan ilabi na sa mga kasundaluan sa padayong pagtuman sa mga saad ngadto kanila aron hingpit nga matagamtaman ang kaharuhay sa pamuyo nga layo sa kagubot kauban ilang mga pamilya.
Facebook Comments
