Gutalac, ZDN-Anaa karon gikustudiya sa buhatan sa kapulisan ang usa ka suspetsado sa pagpatay human kini siya sikopa sa kapulisan sa Sibutad uban sa kapulisan sa Gutalac didto sa Purok 2, Pob. Sibutad, ZDN.
Ang maong dinakpan mao si Danilo Tiong Baril Jr alyas Lalang, 30 anyos ug usa ka fish vendor lumolopya ra usab sa maong dapit.
Kahibaloan nalutsan kini ug warrant niadtong Setyembre 23, 2015 tungod sa kasong Murder didto sa RTC9, Branch 28, Liloy, Zamboanga del Norte.
Human sa halos upat ka tuig niyang pagtago-tago nahulog ra gayod kini sa mga kamot sa tinugyanan sa balaod ug karon anaa na kini tingkagol sa bilangguan kinsa walay pyansa nga gitagana ang korte bugti sa iyang temporaryong kagawasan.
Facebook Comments
