Mag-atubang og laing kaso ang usa ka wanted person human makuhaan og duha ka sachet sa gitoohang shabu.
Kini sa dihang gisilbi sa kapulisan sa Tagoloan ang warrant of arrest ngadto kang Prince Jay-Are Murillo Acaso, 25 anyos nga taga Zone 5, Barangay Sugbongcogon, Tagoloan, Misamis Oriental.
Si Acaso gisikop sa ilang balay niadtong Miyerkules sa gabie human nag-atubang sa kasong pagpanulis.
Gisikop ang suspek pinaagi sa warrant of arrest nga gi-isyu ni Hon. Jose Escobido, Presiding Judge sa Regional Trial Court 10, Branch 27 ning syudad sa Cagayan de Oro.
Temporaryong makagawas si Acaso sa kasong pagpanulis kung makapiyansa kini sa 40-mil pesos.
PC: Misamis Oriental PPO
Facebook Comments
