Ang kapulisan sa lungsod sa Manukan sa pagpanguna ni PSI Benjamin Napigkit ang hepe sa maong lungsod naghimo kini ug manhunt operation human naka kuha ug taho nga matod pa adunay pinangita sa balaod ang nag tago-tago sa iyang area of responsibility.
Bandang 10:30AM adlawng martes, dali nga miadto sa barangay Upper Disakan sakop sa lungsod sa Manukan ang grupo ni PSI Napigkit, didto malampuson nilang nasikop Juniver Dingding Sardual alyas Dodong, residente kini sa Purok 1, Muyo, lungsod sa Buug, Zamboanga Sibugay.
Aduna kini warrant of arrest tungod sa kasong Qualified Theft, ilawom sa CC no. R-CEB-13-02086-CR, nga gi isyo ni Judge Ricky Jones Macagaya sa RTC 7th judicial region branch 5, Cebu city.
Adunay pyansa nga gerekomendar sa kantidad nga P26,000mil alang sa iyang temporaryong kagawasan.
Gibutyag pa ni PSI Napigkit nga Matod pa didto kini nakahimo ug salaod sa RadioWealth Finance Corporation nga naka base sa dakbayan sa Cebu ug didto na sa lungsod sa manukan nag tago-tago sulod sa tulo ka bulan.
