Davao City – Nasikop sa mga personahe sa Philippine Drug Enforcement Agency kun PDEA-XI ang gikunsiderang Top 7 drug personality sa Davao del Norte.
Sa report sa PDEA XI, giila ang dinakpan nga si Marlon Sotis Acebes, 39 anyos ug residente sa Block 11, Lot 13, Villa Clementa, Maniki, Kapalong, Davao del Norte diin kini naaresto sa gihimong buy-bust operation kagahapong adlawa, Agosto 8 alas 5:45pm sa Brgy. Maniki, Kapalong.
Sa maong operasyon, nakuha gikan sa iyaha ang 3 ka medium heat sealed transparent plastic sachets sa gituohang shabu nga adunay street value nga 363,000 pesos.
Sa karon, balhug na sa prisuhan si Acebes ug mag atubang kini og kasong adunay kalapasan sa Section 5 ug Section 11, Article II sa Republic Act 9165 kun Comprehensive Dangerous Drugs Act of 2002.
RadyoMaN Renz Barbarona
