Nakapaslak na sa bilangguan ang gikonsiderang Top 3 Most Wanted Person sa lungsod sa Sumilao sa kasong Robbery with Homicide human gilusad ang operasyon sa mga kapulisan pasado alas 12 sa udto kagahapon didto sa Barangay Kibangay, Lantapan, Bukidnon.
Giila ang suspek nga si Arnel Listan, 34 anyos, ulitawo, ug residente sa Barangay Licoan, Sumilao, Bukidnon.
Nadakpan ang suspek pinaagi sa gahom sa warrant of arrest sa kasong Robbery with Homicide pinasikad sa criminal case no. 29004-13 nga gi-issue ni Isobel Barroso, Presiding Judge, Regional Trial Court, 10th Judicial Region, Branch 8, Malaybalay City, Bukidnon pinitsahan Disyembre 18, 2015 ug walay girekomendang piyansa alang sa temporaryong kagawasan.
Gibalhog na karon sa Lantapan Municipal Police Station ang suspetsado alang sa tokmang disposasyon.
Facebook Comments
