General Santos City—Dakpan sa operatiba sa Police Station 1 ang usa ka Jimmy Malala, 50 anyos nga taga 1st gate, Barangay Sinawal, Gensan atol sa gihimong operasyon sa may Santiago Blvd., Barangay South, Gensan alas 5:30 ang takna kagahapong adlawa.
Si Malala ang adunay kasong Frustrated Murder kansa may criminal case no. 14-464 nga una nang gipagawas sa RTC branch 23 pinitsahan ug April 19, 2009 nga dunay girekomendang pyansa nga P200,000.00.
Nasayran nga atol sa pagdakop sa suspek, misuway pa kini ug dagan apan nakorner sa kapulisan ug napusasan.
Sa karon ang nasampit nga suspek balhog na sa silda sa Police Station 1 ug commitment order nalang ang gipaabot aron nga mabalhin na kini sa Gensan City Reformatory Center.
Facebook Comments
