Tantangan, South Cotabato—Commitment order nalang ang gipaabot sa Tantangan Municipal Police Station aron nga mabalhin na ngadto sa South Cotabato Reformatory Center ang top 4 most wanted person sa municipal level sa Tantangan, nga una nang nasikop sa hiniusang puwersa sa PNP ug AFP alas 5:40 sa hapon sa Brgy.San Felipe,Tantangan.
Giila ang dinakpan nga si Lodovico Aguilar, 67 anyos, minyo, residente sa Prk. Spring, Brgy. Tinongcop sa nasampit nga munisipyo.
Nasayran nga una ng nasikop ang suspek pinasikad sa warrant of arrest sa kasong Rape dunay cc no.1463-2019 nga giisyu ni Judge Vicente Peña sa RTC,11th Judicial Region, Branch 45,Surallah, South Cotabato nga pinetsahan pa niadtong Enero 20, 2020.
Ang maong kaso ang walay piyansang girekomenda ang korte.
