BACOLOD CITY – Pito ka mga tawo ang nadakpan sa ginpatigayon nga buy bust operation kaina sang kaagahon sa Brgy. 8, ciudad sang Bacolod.
Nakilala ang mga nadakpan nga amo sanday Rosalie Araiz, 20 anyos, single kag pumuluyo sang Purok Maringay, Brgy. 2, Tamojin Sumido, 31 anyos sang Brgy. 12, Wilmar Mallorga, 18 anyos sang Brgy. Banago, Robert Magbanua, 31 anyos sang Brgy. 10, Bobby Palomo, 61 anyos sang Brgy. 8 kag Fritchel Ramos, 42 anyos sang Brgy. 8.
Nakuha sa mga suspek ang 5 tanan ka mga heat sealed plastic sachet sang suspected shabu nga nagabug-at sang 20 gramos kag ginabulubanta nagabili sang kapin P100 mil pesos.
Ang buy-bust ginpatigayon las 2 kaina sang kaagahon sa Purok Tower, Brgy. 8 sang mga ahente sang PDEA sa pagpanguna ni Agent Gladys Grace Cruz kag sang Police Statin 2 sa pagpanguna naman ni PCI Benedicto Villarias.
Sa karon ang mga suspect detained na sa custodial facility sang Police Station 2./dyHB BACOLOD
