BACOLOD CITY – Isa ang nadakpan, samtang isa naman ang nakapalagyo sa ginpatigayon nga buy bust operation sang mga katapo sang Police Station 1 kahapon sa dalan Gatuslao, Brgy. 11, Bacolod City.
Nakilala ang gin-aresto nga drug suspect nga amo si Joel Torreno, 28 anyos, pumuluyo sang Purok Mapinalanggaon, Brgy. 35, ciudad sang Bacolod.
Samtang, ang nakapalagyo naman amo si Antonio Dipon, 29 anyos ang edad, residente sang Purok Kingfisher, Brgy. 16, Bacolod City.
Suno sa pulis, nakapalagyo si Dipon matapos nga may nagpalupok sang armas sa sulod sang ila balay kag may nagsinggit nga: “ may mga pulis.”
Narecover sang Station 1 ang isa ka sachet sang suspected shabu, apat ka iban pa gid nga sachet nga may traces sang suspected shabu kag mga drug paraphernalia./dyHB BACOLOD
