SAN ENRIQUE, NEGROS OCCIDENTAL – Ginabulubanta nagdangat sa masobra 70 mil pesos ang balor sang shabu nga na recover sa ginpatigayon nga joint buy bust operation nga ginpatigayon sang San Enrique Police Station kag sang Negros Occidental Police Provincial Office kaina gid lamang sang aga.
Nakilala ang suspek nga si Joel Lemen, 45 anyos ang edad, pumuluyo sang Brgy. Sibucao, banwa sang San Enrique.
Sa ginpatigayon nga raid pasado las 9 kaina sang aga, nakuha sa possession sang suspek ang kapin 6.6 grams sang shabu nga ginabulubanta may street value nga masobra sa 60 mil pesos.
Lakip pasa nakuha halin kay Lemen amo ang isa ka daku nga plastic sachet sang suspected shabu kg 5 ka gagmay nga plastic sachet.
Nakuha man ang marked money nga 500 pesos, cellphone kag pila pa ka drug paraphernalia.
Sa karon detained na sa custodial facility sang San Enrique Police Station kag ginapreparar ang kaso nga igapasaka batuk sa suspek/dyHB BACOLOD
