Malaybalay City, Bukidnon – Wala matud pay pagbag-o sa direktiba ug prayoridad sa Philippine National Police kon PNP nga sumpuon ang illegal nga droga.
Nasayran nga halos kada adlaw adunay mga nadakpan nga drug personalities sa Bukidnon.
Sa interview sa RMN Malaybalay ngadto kang Police Senior Inspector Jessel Longakit, ang spokesperson sa Bukidnon Provincial Police Office PNP Provincial Command gibutyag niini nga nagpadayon hangtod karon ang war on drugs sa PNP-Bukidnon.
Sukad matud pa kaniadtong pagsugod sa Duterte Administration hugot na ang kampanya kontra illegal nga droga sa kapulisan.
Sa managbulag nga interview sa RMN Malaybalay ngadto kang Police Superintendent Lemuel Gonda, ang spokesperson sa PNP region 10 gibutyag niini nga mao na kini ang ilang trabaho nga pagsiguro sa public order ug safety tungod kay kabahin kini sa ilang mandato isip usa ka law enforcement agency.
Wala usab daw nagpasabot nga kung ang PDEA na ang mag-operate sa illegal drug operation dili na sila makahimo ug susamang operasyon.
