SILAY CITY, NEGROS OCCIDENTAL – Nadakpan ang mag-live in partner nga taga-syudad Silay sa ginatigayon naman nga drug raid didto sa Dumangas Port, probinsya sang Iloilo.
Ginpatigon sang joint operation sadtung domingo sang gab-e sang Negros Occidental Provincial Drug Enforcement Unit, Silay PNP kag Iloilo Provincial Police Office (IPPO).
Kapin sa isa ka kilo kag 20 gramos sang suspected shabu ang narecover sang kapulisan sa mag-live in partner nga si Jose Alberto Pinaga, 32 anyos kag Maebelle Belmonte, 30 anyos, tanan residente sang Barangay Mambulac, syudad sang Silay.
Suno sa hepe sang Silay PNP – Supt. Noel Polines, ang amo nga druga nga supply naman para sa Bacolod kag Negros Occidental gikan sa Metro Manila kag ini ang ginapa-agi naman sa probinsya sang Iloilo.
Dugang pa ni Polines nga ang mag-live in partner ang tinawo naman sang gina-tudlo drug lord nga si Michael Divinagracia nga may yara sang koneksyon sa druglord/hold-up group leader sa Bacolod nga si Aki Cuadra.
Ang narecover nga suspected shabu gikan sa duwa ka suspek ang may market value nga tubtob sa P15-18 million pesos./ Serge Santillan photo/RMN
