General Santos City–Hugot karon nga ginamonitor sa kapulisan sa Rehiyon-12 ang mga eskwelahan sa rehiyon aron masiguro nga dili masudlan ug iligal nga droga.
Kini ang gibutyag ni Police Chief Supt. Marcelo Morales human sa sunod sunod nga operasyon sa kapulisan nga miresulta sa pagkasikop sa upat ka mga suspetsadong nakuhaan ug pinaugang dahon sa marijuana niadtong milabayng adlaw.
Sumala pa ni Gen. Morales nga mas gipahugtan nila karon ang ilahang kampanya batok sa droga hilabi na ang marijuana tungod kay mas barato matud pa kini ug mas dali nga mapalit sa mga estudyante piaagi sa ilahang mga balon.
Kini human nga daghan matud pang mga pusher ang nibalhin sa pag pamaligya ug Marijuana tungod kay mas barato kini ug mas dali kuhaon human nga nagakulang na ang supply sa shabu sa Rehiyon 12 gumikan sa mas gipahugtang kampanya sa kapulisan.
Sa karon padayung ginaimbistigahan sa kapulisan kung asa naggikan ang bulto-bultong marijuana nga nakasulod sa syudad sa Gensan. (Dave Silagan)
