Davao City – Tumanon ug himoong giya sa lokal nga panggamhanan sa Davao ang Omnibus Guidelines sa National Government diha sa gipatumang Enhanced Community Quarantine ug General Community Quarantine pinaagi sa Inter-Agency Task Force for the Management of Emerging Infectious Diseases (IATF-EID).
Segun ni Davao City Mayor Sara Duterte, magpagawas siya og Executive Order No. 28-A kun ‘An Order Providing for the Extension of the Enhanced Community Quarantine and other Activities Thereafter’ subay sa pertinent Omnibus Guidelines.’
Subay niini, nagpahimangno ang mayor sa tanan nga kung tugtan ang syudad nga mag-GCQ, gikinahanglang i-manage ang ilang mga expectations ug wala nagpasabot nga luag na ang mga himoong measures sa pagpugong sa pagkaylap sa COVID-19.
“Palihog lang ko for the advance information of everyone, please read the Omnibus Guidelines sa atong IATF kay mao gihapon ni ang atong gamiton, most of these para sa atoang General Community Quarantine kung man tugtan ‘ta sa National Government nga mag-General Community Quarantine.
“Pero please manage your expectations, ayaw mo pag-andam sa inyong mga GCQ party dinha because naa na may uban gud nga mga tawo… basig abi man gud nila na pag GCQ, go na tanan, murag ang meaning sa GCQ- Go, go, go,” matud ni Duterte.
Giawhag usab niini karon ang publiko nga magbaton og kopya ug basahon ang Omnibus Guidelines aron mas masayod sa mga lakang ilawom sa gipatumang quarantine scheme.
RadyoMaN Aimee Guinita
