Davao City – Malisud nga himoong weekly kon sinimana ang mga ‘sweeper flights’ gumikan sa kadaku sa gasto involved niini.
Sumala ni Davao City Mayor Sara Duterte-Carpio, milyones ka pesos ang magasto sa ‘sweeper flights’ alang sa paghatud ug pagkuha sa mga na-stranded nga residentes ning dakbayan.
“Makauli mo kung dunay regular commercial flights ang usa ka airline or kung dunay sweeper flights. Kining gibuhat nato today is a sweeper flight and kana sa Wednesday is a sweeper flight. Gigastosan ni siya sa City Government of Davao and this amount to P3.8 million. Dili nato siya mabuhat every week because it’s very expensive,” segun sa alkalde.
Base sa mandato sa National Government, ang Local Government maoy mo-abaga sa galastohonon alang sa maong operasyon.
“Kung duna man ‘tay ipahigayon nga sunod nga sweeper flights, we will properly announce it, kumbaga itapok nato tanan,” segun sa alkalde.
RadyoMaN Aimee Guinita
