WASAK GID ANG ULO| 22 anyos nga babaye gin hatok hatok labo sa ulo sang iya magulang!

Nakadalagan pa sa baybayon apang naabtan gid sang suspek ang biktima nga gin kilala sa kay Quennie Geronimo, 22 anyos, dalaga, isa ka HRM student kag residente sanv Barangay Funda Hamtic, Antique matapos wala kaluoy nga gin hatok hatok labo sa ulo sang iya magulang nga may nervous breakdown nga si Paul Vincent Geronimo, 24 anyos sang amu man nga lugar.

Natabo ang insidente ala 6:30 kaina sang aga sa barangay Funda Antique sang gulpe lang nagwaras ang suspek nga may dala sang binangon kag nag uba sang bayo.
Nakita ini sang iya iloy kabangdanan ini sya ang gin saway apang iya ini gin labo sa magtimbang nga kamot.
Gilayon man nakita sang suspek ang iya manghod nga babaye nga si Quennie kag gin labo apang nakapanagang ini kabangdanan may mga defense wound ini sa iya kamot kag nakadalagan pakadto sa baybayon.

Naabtan ini sang suspek kag didto gin paarakan labo sa ulo ang biktima rason nga nag guruwa gid ang utok kag nawasak gid ang ulo sini sa labo sang suspek.
Arestado naman ang suspek apang suno sa kapulisan nga indi ini maistorya kag naga ngisi lang sa sulod sang presuhan.
• Tags: visayas, iloilo, iloilo city, TATAKRMN, rmn dyri, antique, hamtic


Facebook Comments