General Santos City— Dakpan sa gipahigayong buybust operation Sa City Drug Enforcement Unit sa may Del Carmen St. Corner NLSA Road, Brgy. Lagao ning dakbayan alas 9 pasado ang takna sa gabii.
Giila ni Police Senior Inspector Brent Salazar, labaw sa CDEU ang suspek nga si Larry MontaƱo, 36 anyos nga residente sa Champaca-Lapu-Lapu St. ning dakbayan.
Narekober sa posisyon sa suspek ang 500 ka pesos nga buybust money, usa ka sachet nga buybust item ug laing medium size sachet sa gituuhang shabu.
Dugang pamahayag ni PSI Salazar nga anaa sa watchlist sa Gensan City Police Office ang suspek kung asa gibutyag mtud pa niini nga anaa pa lang sa tulo ka tuig kining lambigit sa illegal nga droga.
Sa karon, padayon ang ilahang imbestigasyon kung asa ginakuha sa suspek ang iyahang illegal nga droga gumikan lahi-lahi ang pamahayag niini, apan gibutyag ni PSI Salazar nga walay eksaktong lugar sa pagpamilgya ang suspek gumikan magdepende matud pa sa iyahang mga customer kung asa siya mismo maoy nagahatud.
Kasong paglapas sa Sec. 5 ug 11 sa Article 2 sa R.A 9165 ang gikatakdang ipasang-at nga kaso batok sa suspek nga kasamtangang anaa sa lock up cell sa Police Station 3.
