Pagkasayang sa dakong kwarta nga nahanaw
Biktima sa scam wa’y nahimo igo ra pagtyabaw
Kwarta sa investor ang suspek wa na mahibaw
Biktima na usab sa scam ang mga taga Dabaw.
Maayo nalang gyud kay sa mga pulis nadakpan
Puera gaba maayo ra ba ug itsura ang kanahan
Sa iyang katahom dili gyud nimo siya madudahan
Nagtakuban man diay ug siya usa ka sungayan.
Pagkadaghan gyud sa mga biktimang nanga-ilad
Nakabuntang ug kwarta ang ilang ulo nag-labad
Lady scammer sa mga biktima pwerting balibad
Salaping investment nahanaw sa iyang mga palad.
Suspek gidut-an ug kaso sa iyang mga nabiktima
Dili lalim kay minilyon iyang natangag mga kwarta
Atubangon niya ang kasong large scale estafa
Sa double your money nga lipat lipat mga kasama.
RadyoMaN Erin Lumosbog
Facebook Comments
